El-Bike býður upp á nýja tegund reiðhjóla sem framleidd eru af breskum aðilum í Kína. Það tryggir að gæðaeftirlit og vöruþróun er í hámarki. Hjólin eru eins og venjuleg 6 gíra reiðhjól með Shimano TX50 gírskipti en eru til viðbótar búin 250 Watta rafmagnsmótor sem léttir á um leið og hjólið er stigið. Rafhlaðan er 24 volt 8 Ah Ni-MH sem endist fullhlaðin til aksturs um það bil 25 KM miðað við jafnsléttu. Rafhlöðunni er smellt úr hjólinu með lykli, stungið í samband við hleðslutæki sem fylgir með sem stungið er siðan í samband við venjulega 220 Volta heimilisinnstungu. Um það bil 4-5 klukkustundir tekur að fullhlaða tóma rafhlöðu og er hún endurhlaðanleg í um það bil 350 skipti en þá má búast við að endurnýja þurfi rafhlöðuna. Rafhlaðan vegur um það bil 4 KG. Stell hjólanna eru úr áli og eru þau um 23 KG að þyngd og er hámarks burðargeta 100 KG. Hjólin eru ekki skráningarskyld og því þarf ekki að greiða tryggingariðgjöld eða bifreiðagjöld. Rekstrarkostnaður er því í lágmarki og þar að auki eru hjólin eins umhverfisvæn og hugsast getur. Meira en helmingur bílferða á höfuðborgarsvæðinu er innan við 5 KM og því er þetta góður og ódýr kostur í stað aukabifreiðar á heimilinu. Hafir þú áhuga á að kynna þér þessi mál betur kíktu við og reynsluaktu El-bike hjóli í Nóatúninu