Yfirlýsing frá Guðjóni Þór Guðjónssyni rakara og veiðimanni.

„Þegar ég hóf fluguveiðar fyrir alvöru árið 1987, voru grafit stangirnar fyrst að koma á markaðinn. Þær þóttu mikil bylting hvað varðaði kastlengd og gæði almennt. Ég hef prófað margar stangir á þessum tuttugu og tveim árum. Stangirnar hafa verið góðar, þó ekki endilega dýrustu merkin verið best.

Þegar Tyrfingur hjá Icefin bað mig að prófa nýju 9 feta AHT stöngina  frá A. Jensen fyrir línu 7, þá hugsaði ég, að þar færi bara ein stöngin enn.  Annað kom á daginn, stöngin atarna stenst ekki bara samanburð við þau dýrustu og bestu, heldur er ásamt hjóli sem fylgdi sú allra besta stöng fyrir línu 7 sem ég hef hingað til prófað. Ég var að veiða í hliðarvindi og með vindinn í fangið og köstin voru ekkert mál. Ég skora á veiði menn og konur að koma í Icefin í Nóatúni og prófa stöngina og kíkja á fleira markvert sem fæst í búðinni á besta verðinu í bænum“.

Með veiðikveðju Guðjón Þór Guðjónsson

Rakari og veiðimaður.